ÝIGRIMI BIRINJ BAP JYNAZA NAMAZYNYŇ SOGAPLARYNYŇ BEÝANY
Abdylla ibn Omar[1] Resul alaýhyssalamdan rowaýat etdi. Resul alaýhyssalam aýtdy:
— Her kim namaz jynaza namazyny okasa, bir karat[2] sogap berer. Eger ol meýidi gömse, iki karat sogap berer.
Sahabalar sowal etdiler:
— Ýa Resulalla, karat ne mukdar bolar?
Resul alaýhyssalam aýtdy:
— Karatyň mukdary Uhut dagy ýaly bolar.
Resul alaýhyssalam ýene aýtdy:
— Her kim jesede kepen etse, Haktagala ol bendä hasapsyz sogap berer.
Resul alaýhyssalamyň gaşyna bir kişi geldi we aýtdy:
— Ýa Resulalla, köňlüm gara bolupdyr, tagatym netije bermeýär.
Resul alaýhyssalam aýtdy:
— Onda sen hassanyň halyny sora, jynaza namazyny oka, ýetimiň başyny sypa we görüstana zyýarat et.
Ondan soň ol kişi şonuň ýaly etdi. Onuň köňli açylyp, ak boldy.
Resul alaýhyssalam aýtdy:
— Görüstanyň içinde tagam iýmäň. Görüstanda tagam iýenler kyýamatda doňuz suratynda bolarlar.
[1]Abdylla bin Omar - 693-nji ýylda 84 ýaşynda aradan çykan alym.
[2]Karat - gymmatbaha daşlarda agyrlyk birligi