ÝIGRIMI DOKUZYNJY BAP ŞÜKÜR ETMEKLIGIŇ WE SABYRLY BOLMAKLYGYŇ BEÝANY
Resul alaýhyssalam aýtdy:
— Hoşwagtlyk ýetse, şükür etmek möminligiň nyşanydyr. Ol gamgynlyk ýetse, sabyr eder.
Bir gün Resul alaýhyssalamyň gaşyna bir kişi geldi.
Aýtdy:
— Ýa Resulalla, köp hassalyk çekdim. Malym gitdi.
Resul alaýhyssalam aýtdy:
—Kimiň maly gitmese, derdi gitmez – diýdi.
Resul alaýhyssalam aýtdy:
— Eger bir mömin ölse, behişde barar.
Bir gün sahabalar Resul alaýhyssalamyň ýanyna geldiler we aýtdylar:
— Ýa Resulalla, bize dileg ediň, kapyrlardan azap köp gelýär – diýdiler.
Resul alaýhyssalam:
— Eý, ýaranlar, sizden öňki jemagatlar başyny azaba sizden hem köp goýdular. Onda hem sabyr edipdirler. Elhal siz hem ýagşy şükür ediň. Näme üçin nala edýärsiňiz? – diýdi.