ALTMYŞ ÝEDINJI BAP HUDAÝA BIL BAGLAMAKLYGYŇ BEÝANY
Hezerti Omar (Alla ondan razy bolsun!) aýtdy. Bendäniň Taňra bil baglamagy misli guşuň «balamy hiç zada bermerin» diýip durşy ýalydyr.
Resul alaýhyssalam aýtdy: Haktagala dört zady – meger ol kişä duçar etse, şol dört zady özge hiç kişä bermez. Owwal, sözlemezlik. Ikinji, kanagat etmek. Üçünji, takwalyk. Dördünji-dünýäde her dürli bela bolsada sabyr etmek.
Baýezit Bistamy:
— Taňra bil baglamaklyk Hudaýtagalanyň beren zadyna bendäniň razy bolmagydyr – diýdi.
Elbetde, sözüň dogrusyny beýik Taňry ýagşy bilýändir!
Bu kitap mülk eçiliji Taňrynyň beren ýardamy bilen tamam boldy.