Ресулаллах саллаллаху алейхи веселлем Серверимизиң пәк несли Хезрети Алы разыяллаху анху биле Хезрети Патмайы-Зөхре разыяллаху анха Энемизиң мивелери болан чагалары билен довам эдендир.

   Бу багтлы машгалада үч оглан, үч гыз чага дүнйә инди. Мухсин атлы үчүнҗи оглан кичиҗиккә арадан чыкды. Җеннет яшларының сейитлери хөкмүнде Хезрети Хасан ве Хезрети Хусейин башга үч гызлары яланча инди.

  Хезрети Патма разыяллаху анха Энемиз гызларының атларыны гоянда үч бибисиниң ятламаларыны яшатмак иследи. Оларың иман угрунда дөвүрлеринде гөрен гөргүлериниң унудулмазлыгыны иследи. Оларың Аллахың ёлунда хиҗрет этмелери, улы бибиси Зейнеп разыяллаху анханың энчеме йыл мүшрик әриниң никасында галмасы, оны сөйги, хормат хем хызматы биле өзүне багламагы, икинҗи бибиси Рукыййәниң ики хиҗретде чекен җебирлери ве яшлыгында гөзлерини хемишелик юммагы ялы кын гүнлериң довамлы ятланмасы үчин ымматың гелеҗекки неслине ыбрат дерси болмагыны арзув этди.

   Иң болманда атлары биле олар хакындакы ятламаларыны зехининде җанландырмага чалышды. Гызларына гуссалы бибилериниң атларыны гойды. Чагаларыны оларың атлары билен чагыранда көңлүниң рахатлык тапҗакдыгыны пикир этди. Өзүниң дурмуш яшайшында, Ысламың яйрамасында эрк-ыгтыярына кувват берҗегине, җебир-җепалара сабыр хем чыдам гүйҗи болҗагына ынанды. Шу себәпден гызларына Зейнеп, Уммү Гүлсүм ве Рукыййе диен атлары дакды. Аллах олардан разы болсун.

   Хезрети Патма разыяллаху анха Энемиз вепадарлыгың улы нусгасыны гөркезипди. Өзүнден соң гелҗек Ыслам аялларына гөзел бир чыгыр ачыпды. Аллах ве Ресулының ёлунда пидалар чекен гахрыманлары унутмазлык герекди.

   Ысламың яйрамасы үчин җан чекен гахрыманларың хич болманда атлары билен яшатмак хер мусулманың везипеси болмалыды. Аллахың аманаты хөкмүнде берен чагаларымыза ат гоянымызда о гахрыман, нусгалык ынсанларың атларыны гоймалыдырыс. Гахрыманлыгы биле, җомартлыгы биле мәхир-мерхемети биле ве аҗайып хәсиети биле таналан аҗайып ынсанлар ятламаларда яшамалыды. Оларың руханыети биле калба көпри гурулмалыды. Шу себәпли сөйгүли Пыгамберимиз: «Чагалара говы атлар гоюлмасыны» весъет эдипдир. Муны чагаларың эне-аталарының үстүндәки хаклары хөкмүнде кабул эдипдир. Шу себәп биле өз дөврүнде бирнәче эсхабы атларыны-да үйтгедипди.

   Хезрети Патма разыяллаху анха дуйгулары биле илкинҗи доган гыз чагасына улы бибисиниң адыны гоймагыны арзув эдйәндигини Пыгамбер атасына етирди. Аллахың Ресулы сөйгүли педери гызының бу пикирлеринден, бибилерине гөркезен вепадарлыгындан өрән хошал болды. Гыз агтыгының гулагына азан окап, камат гетиренден соңра, оңа Зейнеп дийип ат гойды.