Ady Magtymgulydyr
Hataryň görküdip maýalar, nerler,
Ilimiň kuwwaty merdana Ärler,...
Halkymyzyň nusgawy şahyry Magtymguly Pyragy barada bilmeýänler örän az-az bolsa gerek. Emma onuň "Jahan giňdir çendan bilende bardyr" diýip, Bize "taraşlap" galdyran edebi mirasynyň çuňlugyna dolulygyna düşinýän welin örän azdyr.
Magtymguly Pyragy "Ilimiň kuwwaty merdana Ärler,..."-diýýmek bilen Merdana ýigitleriň Watanyň berk kuwwatydygyny belläp geçýär. Diýmek iliň kuwwaty merdana ärler bolýan bolsa, Merdana kim, Mert kim - bu sözleriň manysyna doly düşinmeli hem-de şol düşinjeleri hut Magtymguly Pyragynyň eserlerinden susup almaly bolýar. Merdana kim? Merdana, mert - bular özara sinonimler (Şol bir many berýän dürli sözler) bolup namart-sözüniň tersidir:
Namart gaçyp barar, bakyň, ýaranlar, Ýurt derdine gider ilde merdanlar,
Mert kim? - Imanly kişi. Namart kim?- Imansyz kişi.
Hakykat namartdyr imansyz geçen,
Iman bile barsaň, ner dek bolar sen!
Iman näme?
Kelamda (kuranda) bar iş beýandyr,
Barça iş HAKa aýandyr,
Ynansaň saňa IMANdyr,
Ölmek hak, dirilmek hakdyr.
Pyragynyň öziniň hem Ilimiziň synmaz kuwwatly sütünleriniň biridigi öz setirlerinden gelip çykýar.
Diýr Pyragy, Mert menem, Äşgärdir ilge mertligim,
Diri gitmez gaşlarymdan degen namys aryma.
Diýmek Çyn musulman nesil Watanmyzyň kuwwaty bolup durýan eken.
Öz gözbaşyny Yslam dininden alyp gaýdýan Magtymguly Pyragynyň goşgulary, üstinden asyrlarça wagt geçendigine garamazdan özüniň ähmiýetini ýitirmän gelýär. Ýaş uly, ýaş kiçi, erkek-hatyn bu "Söz Mirasynyň" çuňlugyna aralaşdygyça Yslam medeniýetiniň ajaýyplyklaryny aňlamaga başlaýar. Şonuň üçinem Pyragy paýhaslaryny öwrenmek we düşinmek isleýänler üçin, Allanyň (J.J) ryzalygyny gazanmak maksadynda şu sahypany Size hödürleýäris.