Пыгамбер Серверимиз саллаллаху алейхи веселлем Хак Тагала Хезретлерине хамду-сена айдандан соң, шу шекилде вагыз-несихат эдйәр: «Эй, Нәс (адамлар). Саглыгыңызда ахыръетиңизиң абатлыгы үчин гайрат эдиң! Кыяматың гопҗакдыгына шек-шүбхе  ёкдыр. О гүнде хер кесиң эден амаллары йүзүне урлуп, хер ким чопансыз галан гоюндан хасап берҗекдир. Хак Тебәрек ве Тагала: Ол гүн терҗимечисиз, гайрысыз хытап эдер:

      -Мениң Ресулым сени хабардар этмедими? Сени Лутфы-Керемим, мал-мүлкүм билен бай этдим. Сен бу гүн өзүң үчин ягшы амалларың хайсысыны гетирдиң?

      Онуң болса сагына-солуна бакса-да, шепагат этҗек ве Аллахың азабындан горажак хич кимсә гөзи дүшҗек дәлдир. Эгер шейле болса, хер ким ярым хурма берсин велин, өзүни отдан горасын. Оны-да тапмаса ягшы сөзлер билен «мусулман доганының гөвнүни авлап, отдан горанмага чалышсан. Чүнки Хак Тагала Хезретлери бир ягшылыга он эссе, хат-да еди йүз эссе согап берер. Вессаламу алә ресулилләхи ве рахметуллахи ве берекәтух».