«Аллаху Тагалага хамду-сена болсун. Ондан ярдам исләрин. Небислеримизиң шерлеринден ве яман амалларымыздан Аллах Җелле  Җелалеху Хезретлерине сыгындык. Аллахың догры ёла салан бендесини хич ким о ёлдан чыкармаз. Аллахың аздыран гулыны-да, хич ким ёла салып билмез. «Эшхеду эллә иләхә иллаллаху вахдеху лә шерике лех» Аллаху Тагаланың шу җүмлейи-шерифеси сөзлериң иң гөзелидир. Китапларың-да иң гөзели Куръаны Азымуш-Шандыр. Эгер-де херки бендесини Хак Тагала Хезретлери багтыяр этҗек болса, онуң калбына Куръаны ерлешдирендир. Догрусы Аллахың Китабы келамларың иң гөзели, иң кәмилидир. Аллахың сөенини сөйүң. Оны җаныңыз-тениңиз билен сөйүң. Хакың келамындан ве Зикиринден ядамаң! Аллахың келамындан калбыңыза гам-гусса гелмесин. Чүнки Келамуллах амалларың хайырлысыны хем бенделериң иң кәмили болан пыгамберлер хакындакы кыссаларың иң ягшысыны зикир эдип, халалы-харамы беян эдендир. Индиден бейләк, Аллаха ыбадат эдип, оңа хич бир зады шәрик гошмаң. Ширкден горкмалысы ялы горкуң. Гөзел сөзүңиз биле о  сөзүңиз Аллаха догры болсун. Бири-бириңизи Аллахың келамы билен сөйүң. Аллаху Тагаланың әхдини бозянлара газап этҗекдигини хөкман билмелисиңиз. Вес-саламу алейкум»! (Икинҗи хутба хем шол ерде окалыпдыр).

    Энсарылар җемагаты Беятур-Рызванда Ресули-Зишан саллаллаху алейхи веселлем Серверимизи бир җан бир тен болуп гораҗакдыкларына сөз берипдирлер. Олар берен вадаларында тапылмак үчин етерлик дереҗеде тайярлык гөрдилер.