Пыгамбер Серверимиз саллаллаху алейхи веселлем Мединейи-Мүневверә хиҗрет эденден соң, Хадиси-Шериферинде: «Алла ёлунда икибир-икибирден доган болуң» дийип, буйрандан соң, мухаҗирлериң хем энсарыларың арасында, дурмушда бири-бирлерине хемдем  болмак шерти билен, ахыръет доганлыгына әхди-пейман эдипдирлер. Эмма бу доганлыкдакы несилден-несле гечмек дәби вагтың гечмеги билен ятырылып, диңе доганлык багланшыгы сакланыпдыр. Агзалан әхди-пейман 45 мухаҗир билен 45 энсарының, башга бир роваята гөрә болса, 50 мухаҗир билен 50 энсарының арасында Энес бин Мәлигиң  (разыяллаху анх) өйүнде багланышыляр. Ресулы-Экрем саллаллаху Тагала алейхи веселлем Серверимиз бир хадиси-шерифинде: «Эй, мухаҗирин ве энсар! Сизиң доганларыңызың шу ерде мал дүнйәлери хем тиредешлери болмандыгы үчин хер бириңиз мухаҗирлериң ики-үчүсиниң ийҗек-ичҗегини өз үстүңизе алмалыдыгыңызы билиң» диен эмри берйәр. Ине, шу эсасда дүнйә йүзүнде хениз гөрүлип-эшидилмедик хем деңи-тайы болмадык белент адамкәрчилик нусгалары кемала гелипдир.