«Мухаммедилер дөвлети» дөрәнинден соң ики саны улы дөвлет билен урушмага меҗбур боляр. Оларың бири Эйран шалыгы, бейлекиси болса Гүндогар Рум императорлыгыны өзүнде җемлейән Константинийе болуп, оңа табын болан Сирия хем Мүсүр төвереклери Алланың эмри билен басылып алынды. Бу дөвлетлер билен мусулманларың урушмагындан максат, Пыгамбер Серверимизиң Константиниййәниң басылып алынҗакдыгыны айдан Хадисиниң хакыкат йүзүнде амала ашмагыны газанмакдыр. Илки билен Стамбула гидйән гошуның хем гуры ерден хем деңиз ёлы билен иберилмегиниң герекдиги үчин шейле-де ёлуң Киприң үстүнден гечйәндиги себәпли Хиҗретиң 28-нҗи йылында Хезрети Осман Зиннурейн разыяллаху анхуның халыпалык эден дөврүнде ики тарапың гошуны хем Кипрде душушяр. Бу газада гатнашанларың ичинде Эбу Эйюп Эл-Энсары разыяллаху анху, Эбу Зер Эл-Гыфары, Эбуд-Дерда, Умейр бин Сад, Фузале бин Убейд эл-Энсары, Васила бин эл-Эска, Кабил Хибр ибнул-Мути, Абдуллах ибни Бишр, Шеддад бин Эвс, Микдад бин Эсвед, Җубейр бин Нуфейр разыяллаху анхум эҗмаин дагылар хем барды.

  Убаде бин Самит эл-Энсарының янында онуң аялы Умми Харам разыяллаху анха болуп, ол Кипр адасында атындан йыкылып шехит боляр. Онуң габры Кипрде зыяратгәхдир.

   Кипр адасы урушсыз, парахатчылыклы ёл билен басылып алнандан соң Родос, Истанкөй, Сакыз, Мидилли, Бозҗа адалары-да боюн эгдирилип, Чанаккале Богазының үсти билен Константиниййә гирйәрлер.