Энес бин Мәлик разыяллаху анху шейле дийипдир: Ресулы-Экрем саллаллаху алейхи веселлем Серверимиз Куба дайзамың гызы Умми Харами зыярат этмәге гелди. Чүнки Умми Харам Пыгамбер Серверимизиң атасы Абдулмутдалыбың энеси Селма тарапындан гарындашы хем мәхремиди. Бу гезек Пыгамберимиз Умми Харамың өйүнде нахар иенден соң уклап, кән салым гечмәнкә чаларак йылгырып ояняр. Умми Харам себәбини соранда, Ресулаллах:

  -Дүйшүмде умматымдан бир бөлек мүҗәхитлериң Ак деңзиң ортасында патышаларың тагтларына хайбатлы мүнүшлери ялы, хайбат билен гәмилере мүнүп, деңизде урушмага ёла дүшенлери гөркезилди ве шол себәпден йылгырярын-дийди. Умми Харам:

   -Эй, Ресулаллах! Мени-де шол сөвешиҗилерден кылмасы үчин Аллаха дога эт-дийип, хайыш эдйәр: Ресулаллах дога эдип, ене-де ука гидйәр. Укудан гүлүмҗирәп оянанда ене-де Умми Харам себәбини сораяр: Шонда Серверимиз саллаллаху алейхи веселлем:

  -Маңа Умматымдан бир бөлек мүҗәхидлериң улы гүйч билен Алла угрунда Кайсарың шәхери болан Константиниййә газада гидип барышлары гөркезилди-диенде, Умми Харам:

  -Эй, Ресулаллах! Мени-де Константиниййә газада гиденлериң арасына гошмасыны Алладан диле-диенде, Ресулы-Экрем Серверимиз-де:

 -Ёк, сен деңиз сөвешиҗилеринденсиң-диййәр.

  Энес разыяллаху анху сөзүни шейле довам эдйәр: «Умми Харам Кипр сөвешинде, деңзиң гутарып Кипр адасына чыкылян еринде мүнүп барян гатырындан йыкылып, шехит боляр. Онуң Габры-Шерифи Кипрде болуп «Меръейи-Салыха» я-да «Хала солтан» ады билен ятланыляр.

    Онуң адамсы Убаде бин Самит разыяллаху анху Акабе Ылалашыгының Икисине-де гатнашып, Пыгамбер алейхыс саламың өлүминден соң, илки Шама гидйәр. Соңра болса Хумусда ерлешйәр.