Хезрети Халид разыяллаху анхуның аялы Умми Эйюп Фатымайы Хазреҗи разыяллаху анхадыр. Ол зенан сахабаларың бири болан Хезрети Халидиң дайысы Кусс ибни Саиданиң гызыдыр. Мухаммет алейхыс саламың хиҗретинден ики йыл озал адамсы Хезрети Халид разыяллаху анху билен бирликде Ысламыети кабул эден багтыярлардандыр. Эбу Эйюп Эл-энсары разыяллаху анхуның үч оглы бир гызы болуп, иң улусы Эйюпдыр. Шоңа гөрә, Хезрети  Халиде Эбу Эйюп лакамы берлендир. Бейлеки огуллары Абдырахман билен атасының адыны гөтерйән Халитдир. Амре атлы гызы-да Ресулы-Экрем саллаллаху алейхзи веселлеме беят эден аяллардан бири болуп, мүбәрек аялларың биридир. Амре разыяллаху анха Сафван бин Эвсе дурмуша чыкяр. Олардан Халид атлы перзент дүнйә инйәр. Хезрети Халид разыяллаху анхуның чагаларының хеммеси сахабалардан болуп, оларың несли энчеме асырлап довам эдендир.

* * * * * * * * * * * * * * * * * *

  Әхли сүннет-вел җемагат акыдасына гөрә, Эсхаби-Кирамың дереҗеси шейледир: Сахабаларың  иң хайырлысы Эбу Бекир Сыддык разыяллаху анхудыр. Хезрети Алының шу сөзлери хем муңа делил хөкмүнде етерликдир. Хезрети Алы бир гүн Куфедәки метҗидиң мүнберинде хутба окаярка, Мухаммет ибнул Ханафийе:

  -Ресуаллахдан соң бу умматың хайырлысы кимдир?-дийип сораяр. Хезрети Алы керремаллаху веҗхе-де бу совала:

  -Эбу Бекир Сыддык разыяллаху анхудыр-диен җогабы берйәр.

 -Ондан соңра кимдир?-диен совала:

  -Омардыр-диййәр.

 -Онсоң ким?-диен совала:

  -Османдыр-диййәр.

 -Соң ким?-дийленде, Хезрети Алы керремаллаху веҗхех дымяр. Мухаммет бин Ханафие:

 -Ондан соң сен дәлми?-диенде Хезрети Алы:

 -Сениң атаң мусулманлардан бирисидир-дийип, песпәллик билен җогап берйәр. Хезрети Алының өзүнден гүррүң этмән дыммаклыгы онуң өвүнмекден гача дуряндыгы себәплидир.