Сагт ибн Месгут шейле диййәр: «Абуд-Дер­да шейле дийди: «Үч зат болмаса, еке гүн хем яшамак ислемездим:

1. Алла үчин җокрама ыссыда тешне гез­мек, ягны агыз беклемек;

2. Гиҗәниң ярымындакы сеҗде;

3. Хурманың говусыны сайлаян ялы, сөзүң хайырлысыны сайлаянлар билен отурышмак».

* * *

Билал ибн Сагт бизе Мугзыдың шейле ди­ен­дигини роваят эдйәр: «Җокрама ыссының тешнелиги – ораза, гыш гиҗелериниң узын­лы­гы – гиҗе намазы ве Аллатагаланың ки­та­бы – Гурхан болмасады, хайвандан тапа­ву­ды­мың ёкдугына хич әхмиет бермездим».

* * *

Ибн Лухайга бизе Укбе ибн Мүслимден шуны эшидендигини роваят эдйәр: «Бенде үчин Алла билен душушмагы арзув этмекден леззетли башга зат ёкдур. Шейле хем, бен­дәниң сеҗде эдип, маңлайыны ере дегрен ваг­ты онуң Алла иң якын вагтыдыр».

* * *

Катада шейле диййәр: «Амыр ибн Аб­ды­кайс соңкы деминде агламага башлады. Он­дан:

— Агламагыңа нәме себәп бар? — дийлип соралды.

Ол хем:

— Өлүмден горкяндыгым ве дүнйәлик үчин агламаярын. Мен диңе җокрама ыссыларда агыз беклеме ве гыш гиҗелериниң ыбадаты би­лен хошлашяндыгым үчин аглаярын — ди­йип җогап берди».