Başy » ЗАХЫТЛЫК КИТАБЫ » КАНАГАТ ВЕ РАЗЫЧЫЛЫК ХАКДА

 

Ибн Месгут шейле диййәр: «Дүнйәде нәме гелсе болуп гечсе гечсин, мусулман болуп сә­хере етен ве мусулман болуп агшама гирен гула ол зыян бермез».

* * *

Рабыга ибн Лакытың хабар бермегине гөрә, ол Амр ибн Ас билен биле бир ерден гайдып гелйәр экен. Бирденкә, оларың үстлерине ган ягыпдыр. Рабыга соң шейле гүррүң берйәр: «Гоян габым деррев ган билен долярды. Адам­лар кыямат гелендир өйтдүлер. Деңиз ялы толкун атып, гыгырышып башладылар. Амр ибн Ас еринден турды, Эзиз ве Җелил Алланы лайык сыпатлар билен магтады. Соң болса: «Эй, ынсанлар! Өзүңиз билен Алланың арасындакы затлары дүзедиң. Шонда шу ики даг бири-бирлери билен чакнышса хем сизе зыян бермез» дийди».

* * *

Абу Хурейра шейле диййәр: «Алтының ве күмшүң гулы боланлар хеләк болдулар. Сиз хем дүнйә бүренен акмаклар билен бәслешип йөрүң!» (ягны бу ишден даш дуруң).

* * *

Абу Хурейра шейле диййәр: «Меръем оглы Иса алайхыссалам шәгиртлерине шейле ди­ер­ди: «Ыбадатханалары рахатлык тапҗак ер­ле­риңиз, өйлериңизи болса мыхман болар ялы җай эдиң. Топрагың гөк өнүмлеринден ийиң. Дүнйә мүлкүнден саламатлык билен халас бо­луң».

Равылардан Шурейк шейле дийди: «Мен бу сөзи Сүлеймана айтдым, ол мунуң үстүне шулары гошды: «Арасса тебигы сувдан ичиң».

* * *

Фазл ибн Сөвр ибн Шакык ибн Сөври шей­ле диййәр: «Мен Хасан Басрыдан:

— Эй, Абу Сагыт! Ики адам бар. Бири дүнйәни халал ёл билен гөзләп, оңа етипдир. Газанан затлары билен хем доган-гарындаш­ла­рына хайыр-ыхсан эдип, өзүне хем гере­гини эдинипдир. Бейлекиси болса, дүнйәден бир бурча чекилип, ялңыз тагат-ыбадат билен мешгулланыпдыр. Буларың хайсыныңкы дог­ры — дийип сорадым.

Онда Хасан:

— Дүнйәден чекилениңки догры — дийди.

Соң ондан ене-де сорадым, ол ене шол җо­габы берди».

* * *

Хасан Басры шейле диййәр: «Сыла ибн Эш­йем Абу Сахба шейле дийди: «Рысгалы әх­ли ёллардан гөзледим. Шонда рысгалымың хер гүн үчин айратын берилйәндигине гөз етир­дим. Нетиҗеде, рысгалың Алла тара­пын­дан мениң үчин шейле ягдайдадыгына акыл етир­дим».

* * *

Ене Хасан Басры шейле диййәр: «Рысгалы хер гүн берилйән мусулман өзи үчин рысга­лы­ның шейле ягдайда языландыгыны бил­ме­се, эҗиз я-да акмак адамдыр».