Başy » ЗАХЫТЛЫК КИТАБЫ » УВЕЙС (ВЕЙИС БАБА) ВЕ СЕНАБИХИ ХАКДА

Есир ибн Җабыр шейле диййәр: «Биз меҗ­ли­с­лериң биринде отырдык. Увейс хем яны­мызда отырды. Ялңышмаян болсам, Җапар онуң кәбир хәсиетлерини айтды. Увейс хадыс роваят эден махалы калпларымыза бейлекиле­риң­киден гүйчли тәсир эдерди.

* * *

Хезрети Омар ибн Хаттап янына гелен бир топардан Увейс барада сорап «Карнлылардан[1] бир адамың хабарыны эшитдиңизми?» дийип, ол барада сырлы затлары гүррүң берди. Соң олар Емене баранларында бир адам Увейсден:

— Мөминлериң эмири бизден сени сорады ве сен барада гүррүң берди. Сен бизе өзүңде бейле задың бардыгыны айтмандың? — дийип сорады.

Онда Увейс Караны:

— Онуң ятладан зады мениң сизе шу айдан задымдыр — дийип, өзи барада айдып, ондан му­ны хич киме айтмаҗакдыгы барада сөз ал­ды».

* * *

Амр ибн Мурре шейле диййәр: «Хезрети Омар бир гезек Увейс билен душушды. Увейс өзүниң халыны биленсоң, ондан гачды. Тә Омар дүнйәден гайдянча онуң билен душуш­ма­ды».

* * *

Махмыт ибн Рабыг шейле диййәр: «Биз Убада ибн Самытың янында отырдык. Ол сыр­кав ятырды. Гапыдан Сенабихи гирди. Ол геленсоң Убада: «Кимиң эден амалы еди гат асмана галдырылан ве эден ишини гөйә гөрүп эдйән ялы кишә серетмек гөвнүне яраян бол­са, оңа серетсин!» дийди.

Сенабихи онуң янына геленсоң, Убада оңа: «Сен барада сорасалар, элбетде, бәхбитли та­ра­пыңа шаят боларын. Эгер-де, шепагатчы эдилсем, элбетде, саңа шепагат эдерин. Гүй­җүм етсе, саңа пейдалы боларын» дийди».

---