Başy » ЗАХЫТЛЫК КИТАБЫ » АЛЛАНЫ ЯТЛАМАГЫҢ СОГАБЫ ХАКДА

Җурейри шейле диййәр: «Сыла ибн Эшйем бир тайпаның янына барды. Оларың отуры­шык­ларына гатнашып:

— Сиз маңа шейле бир ёлагчылардан хабар бериң. Олар бир ере гитмәге хыялланярлар. Гиҗе уклаярлар, гүндиз хем ёлдан чыкярлар. Барян ерлерине хачан етер өйдйәрсиңиз? Хей, етип билерлерми? — дийип сорады.

Олар:

— Ёк, оларың етендиклерини гөрмерсиң, хачан етсинлер? — дийдилер.

Соң ол улагыны гамчылап бу ерден гитди. Ол ердәкилер бири-бирлерине шейле дийиш­ди­лер: «Абу Сыланың сизе нәме диендигине дүшүндиңизми? Ол яңкы тымсалы сиз шу үчин айтды».

* * *

Вухейп шейле диййәр: «Бир адам Вехп ибн Мунеббихиң янына гелип:

— Хеммелер эрбет затларың ызында гезип йөрлер. Мен хем өз-өзүме: «Инди олар билен гатнашмайын» дийдим — дийди.

Онда Вехп:

— Бейтме! Ынсанлар сенден айрылмаз. Сен хем олардан айрылмарсың. Оларың саңа мәтәчликлери, сениң хем олара мәтәчлигиң бар. Йөне оларың арасында эшидйән кер, гөр­йән көр, геплейән лал бол! — дийди».

* * *

Кериме бинти Хасхас Музение гүррүң бер­йәр: «Биз Үмми Дерданың өйүнде вагтымыз Абу Хурейраның пыгамбер алайхыссаламың хут Реббинден гүррүң берен шу кудсы хады­сы­ны эшидендигини бизе роваят этди: «Ал­ла­тагала айтды: «Ким мени ятласа ве ики до­да­гы мениң адым билен херекет эдип дурду­гы­ча, мен шол гулум билен бирдирин!».

* * *

Шурейх ибн Убейт ве Абдырахман ибн Җу­бейр ибн Нефир шейле диййәрлер: «Ресулалла бир гүн шейле дийди: «Реббиңиз шейле дий­йәр: «Мениң гулум батырлыкда өз деңи билен тутлушса хем, мени ятлаян кишидир».

* * *

Хасан Басры шейле диййәр: «Ресулалла шей­ле дийди: «Аллатагаланың шейле гуллары бар велин, олар гөрлен махалы Аллатагала яда дүшер».

* * *

Абу Ымран шейле диййәр: «Бир адам гол­ас­тындакы йүз саны гулы азат этди. Ибн Мес­гудың бир досты муны оңа хабар берди. Ибн Месгут оңа хайыр дилег эдип, шейле дийди: «Сизе мундан хас хайырлысыны айдайынмы? Гиҗе-гүндиз сизден айрылмаян иман ве Ал­ланы ятламак билен дилиң элмыдама чыг болмагы хас хайырлыдыр».

* * *

Мугаз ибн Җебел шейле диййәр: «Хич бир гул үчин Алланы ятламакдан башга эртирки гүн өзүни азапдан халас этҗек башга амал ёкдур».

* * *

Абу Хурейра пыгамбер алайхыссаламдан шей­ле хадыс роваят эдйәр: «Алланың ятла­ныл­мадык еринде отуранлара хөкман бу яг­дай­лары пушманлык гетирер. Алланың ады­ның ят­ла­ныл­мадык еринден гечен кишә бу гечиш хөк­ман бир пушманлык ве ногсанлык себәби болар».